"كاريزما وخفة دم وحضور" هى من الصفات التي يحتاجها أي شخص ليكون ممثل جيد ونجم شباك كما يقال، وكل هذه الصفات اجتمعت وأكثر في أبطالنا من ذوى الهمم.

"كاريزما وخفة دم وحضور" هى من الصفات التي يحتاجها أي شخص ليكون ممثلاً جيدًا ونجم شباك كما يقال، وكل هذه الصفات اجتمعت وأكثر في أبطالنا من ذوى الهمم الذين أثبتوا جدارتهم وتميزهم فيالألعاب الرياضيةوحان الوقت ليثبتوا أيضًا مواهبهم في الفن والتمثيل والغناء والاستعراض مثلهم مثل أي شخص آخر، فكل ما يحتاجونه هو فرصة للتعبير عن مواهبهم المدفونة.

بداية اكتشاف المواهب الفنية لذوى الهمم

محمد الأنصاري واحد من الشباب الذين فتحوا قلوبهم لمواهبذوى الهممواكتشفها، فقرر أن يسمع لهؤلاء الأطفال والشباب وحكايتهم ومعاناتهم ويكتشف مواهبهم، وبدأ بالفعل منذ 3 أعوام في إنتاج مسلسل بعنوان القضية 404 ليحكى مشاكل ذوى الهمم في المجتمع ومنذ أيام أطلق ثانى مسلسل له بعنوان وصية جدو قصة وإخراج محمد الأنصاري، سيناريو سندس عادل وبلال الشاعر ومحمد عمروسي وبطولة الفنانبيومى فؤادوالفنانة ليلى عز العرب مع عدد كبير من الفنانين الشباب والموهوبين من أبطال ذوي الهمم.

وفى تصريحات خاصة لـ"اليوم السابع" قال مخرج المسلسل محمد الأنصارى: "من حق أطفالنا وشبابنا منذوى الهممأنهم يعبروا عن نفسهم من خلال مواهبهم وفنهم وده اللى خلانا ندمجهم في الأعمال الدرامية، وفكرة مسلسل وصية جدو هي التجربة الثانية بعد مسلسل القضية 404 اللى كان بيناقش 12 قضية عن ذوى الهمم، كنا بندرب الأولاد من 2019، وكمان معانا أطباء ومدربين لتأهيلهم".

وأضاف: "عملنا مسرحيات واسكتشات وبدأنا تصوير المسلسل من 3 سنين والمسلسل كان إنتاجنا إحنا والأولاد والمتطوعين، وتانى عمل فكرنا أننا ندمجهم مع أصحاء في المجتمع ومع نجوم كبار وعملنا مسلسل وصية جدو من إنتاجنا أيضًا لدمج ذوى الهمم مع النجوم زى الفنان بيومى فؤاد والفنانة ليلى عز العرب والفنان ياسر الزنكلونى والفنانحمزة العيليوالفنان ياسر عزت، اللى رحبوا بالفكرة أول ما عرضناها عليهم ومتأخروش علينا لحظة وكانو ممكن يلغوا مواعيد عندهم عشان ييجوا التصوير".

وتابع: "أبطال ذوى الهمم نجوم بس كانوا محتاجين فرصة يثبتوا للناس وللمجتمع إنهم قادرين يلعبوا رياضة ويمثلوا ويغنوا ويعملوا كل حاجة، مسلسل وصية جدو لايت كوميدى وهما قدروا يعملوا ده ويكونوا زى أي ممثل بيذاكر تاريخ الشخصية وبيحفظ سكربت وعندهم ذاكرة انفعالية، هما صوت الحقيقة وأكثر ناس تعرف تعبر عن نفسها، ونفسنا شركات الإنتاج تشوف مسلسلنا ويتعرض في قنوات كبيرة".

وقالت سندس عادل سيناريست المسلسل: "في البداية كان الموضوع صعب عليا كان فيه رهبة مكنتش عارفة إزاى أتعامل معاهم وإيه الكلام اللى هيبقى سهل عليهم واللى هتتفهم ومع الممارسة قعدت معاهم أكثر وبقيت أحس إن دماغى هي اللى بتتكلم بقيت أسمع صوتهم وهما بيقولوا الجملة وألاقى القلم بيكتب لوحده، كانت تجربة حلوة جدًا".

وقالت الفنانة ليلى عز العرب: "مسلسل وصية جدو عمل جميل ومبهج وأنا مبسوطة أنى شاركت مع أبطال ذوى الهمم لأنهم متعددو المواهب وبيدوا لأى فنان طاقة إنه يقدر يدى كل ما عنده ويكون مبسوط وهو بيمثل معاهم، هما نجوم وأبطال وإحنا سنيدة معاهم لكن هما اللى فانين وموهوبين محتاجين بس فرصة إننا نسمعهم ونشوف موهبتهم".

ومن جانبها قال الفنان بيومى فؤاد: "أنا كنت سعيد معاهم جدًا وسعيد بتجربة التمثيل معاهم، أنا كان معايا 3 من أبطال ذوى الهمم الفنانين، أنا غيرت منهم ومن شطارتهم وأدائهم وإحساسهم فاهمين أوى وفاهمين المشاهد اللى هيعملوها وعارفين كويس هما هيعملوا إيه وبيحفظوا بسرعة، حتى لو المخرج غير المشهد وغير كل حاجة بيقدروا يحفظوا ويستوعبوا بسرعة ده غير طلتهم وخفة دمهم كانوا عاملين أجواء في اللوكيشن".

وقالت الفنانة رانيا يوسف: "أنا بحب الأطفال عمومًا وهما واخدين قلبى وبحبهم أوى وأتمنى أشارك معاهم في عمل جديد ومن غير أى مقابل مادى، ذوو الهمم موجودين معانا فى المجتمع والحياة فلازم يشاركوا معانا في المسلسلات والأعمال السينمائية والمسرح من حقهم".

وقالت الفنانة صفاء جلال لـ"اليوم السابع": "أنا مبسوطة بيهم أوى هما قدروا يثبتوا شطارتهم فى الرياضات ودلوقتى أبطال في الفن وإحنا اللى هنمثل معاهم يعنى يبقوا هما أبطال وإحنا بنساعد معاهم".

ومن جانبها قالت الفنانة نورهان: "عاوزة أقول لأبطال ذوى الهمم برافو عليكم كملوا، هما عدوا الحدود في موهبتهم وشطارتهم وعندهم كاريزما وحضور، إحنا بنشوف فيهم طاقة وإصرار وحب للحياة وللفن برافو عليهم".

وقال الطفل آدم وهدان: "أنا عاوز أقول لأبطالنا الجداد برافو وإنى بحبهم جدًا إحنا اشتغلنا مع بعض قبل كده في مسرحية كنز الدنيا مع الفنان أشرف عبد الباقى وكنت مبسوط جداً معاهم هما كلهم مميزين وشاطرين جداً".

وقال الفنان ياسر الزنكلونى لـ"اليوم السابع": "أنا بدعم أبطالنا من ذوى الهمم من زمان وبحب دايمًا أحضر حفلاتهم وتكريماتهم بس أول مرة أشارك معاهم فى عمل فنى وأقرب منهم أكثر اكتشفت حاجات كتير أوى فيهم، واكتشفت أن هما اللى بيدعمونا مش إحنا، هما فنانين ونجوم ويستاهلوا ياخدو الفرصة فانا كنت سعيد بالتجربة دى".

وقال حسن زيزو مخرج منفذ ومشارك في التمثيل: "أنا سعيد بوجود الفنانين الكبار دول جنبنا ومبسوط أكتر بإتاحة الفرصة لذوى الهمم في التمثيل والإخراج، وإن إحنا نعبرعن نفسنا بنفسنا، إحنا موهوبين بس محتاجين حد يكتشفنا ويسمعنا مش أكثر".

وقالت أميرة حربى بطلة مسلسل وصية جدو: "أخيرًا بقى معانا فنانين بيشاركونا فى الأعمال بتاعتنا وبجد هما حلوين اوى وبيدعمونا وكفاية انهم بيتعاملو معانا زينا زى أى حد وإن احنا ناس عادية جدا مفيش حاجة مختلفة".